近日玩具雜影雜談：鎧武、EX Getter 2、SR帝王、S.H.F 幾隻、MS Thor、Hottoys 2隻

 

 

因工作關係，已好一段時間沒替玩具拍照、更莫說寫 Blog 了。
其實無論工作、書籍、電影，都有好多東西想和大家分享。
尤其近來看過幾齣好戲，沒時間說說，實在可惜，

不過這始終是一個玩具 Blog ，還是先處理一下近期的玩具吧。
本篇是一個綜合網誌，在這裡談到的玩具，
部份會另起新篇去寫.....嗯，即管開個空頭支票吧~~~


由那隻開始講好呢~~~~~~



Marvel SelectThor，上次 Movie 1 隻Thor 樣子嚇人，
我頂唔順，pass  o左。今集 Thor 頭雕靚好多，可惜上色出事，
硬係好似有白化症咁。不過只要你用10 分鐘左右，用啡色油幫佢d 頭髮滲滲線/漬洗一下、輕輕力畫少少眉，就靚仔晒~~~

以前玩美玩，都係以6" Marvel Legend / DCU 為主，
MS 外形係好，但係輸o係可動性，加上 size 大一個碼 ，始終少人玩。
但係依家就唔同喇，新出 MS 通常都會有齊關節，活動能力已經直迫 ML （平均仍然爭少少），
而外形就通常靚少少。最重要係，MS 易買好多！

鎧武，個個鬧佢個樣，
其實佢個樣已經係近年較易入口o既一隻。
問題係「生果變身」太重口味。
作為拉打，士多啤梨香蕉蘋果橙，的確難頂，不過作為玩具就好新鮮（生果嘛~~）。


西瓜鎧，之前睇官圖我已經覺得好吸引，
最前到貨，見又唔算太貴，就買o黎玩下。

本品的確附有一隻鎧武素體，但係就剩係硬膠一件，手腳夾埋只有四個關節。
想玩，你始終要幫襯佢買多一隻。








西瓜鎧好大隻，身上有唔少刻紋，有心機滲下線會更靚。

雙手關節算充足，但係對腳就.....你當佢只可以齋企啦~~~~

 

 

橙鎧，玩落，又真係好好玩~~~ 

 

跳樓特命戰隊，三舊水，一盒有兩架o野。
分別係飛機同吊臂車，兩架都可以變甲蟲。

 

吊臂車可以獨立變機械人，然後，架飛機又可以拆散，變強化武器。
一盒玩具，三舊水，六個形態，抵屌到呢~~~~~

 

 

EX Getter G 2，有形有款，關節、上色、QC比以往EX 合金已經大有改善。

 

 

本品算係好物，
最係變數係：唔知易唔易爛、又會唔會玩玩下顏色龜裂......

HT，戰損T800，雙頭雕，兩個頭都係可動眼，
面相亦比 DX10 大有改善，
好玩，靚仔，今年珍品。

 

 

 

Tony 潛行裝，問題似終出o係頭雕，

相比Hottoys 近年出品，呢個頭始終差少少，
冇果種「哇！真人呀！」o既感覺。

 

 

 

 

帝王萬能俠，

唔錯...唔錯......不過佢同真三一都有一個先天缺憾，
造形太三尖八角，你又驚吉親自己、又驚整崩d 角，
作為玩具，始終好睇唔好玩。

 

 

 

 

 

 

 

S.H.F. Sky 強化前。
隻色靚過強化係版好多。
雖然係魂限，但係仲可以買到，大家可留意。

 

ZX 本來就唔靚，佢最樣衰係佢條紅色絲襪褲，SHF 叫逃過一劫，又算叫做工工整整咁做晒隻o野出o黎。
頭圓圓，有d漫畫味。

最差係 QC。

 

 

奧他，驟眼睇覺得麻麻，

仲有少少Kabuto  蟻兵o既感覺，
不過玩落又幾有形.......始終有把大劍係唔同 d  o既~~~

 

 

 

電波女，實物一定靚過官圖。

如果你打算昭和齊人，買埋佢啦，昭和系有限數o者。




今次先說到這裡，有空再談。

在這裡先預祝大家：

聖誕快樂，
新年進步。

吃喝玩樂之外，
多關心一下身邊人。

如果你身邊沒有人，
不要緊，
2014 開始，
善用時間、愛惜自己，
也嘗試多留意別人需要，
適當時候，伸出援手。
你會有更多朋友。