真‧三一萬能俠 @ SR 合金 （08/09/2013 更新）

（留意，進入網誌後，只要在其中一幅圖片一 click ，就能把所有圖片放大溜覽）

作為玩迷，一直期待 Bandai 超合金魂推出真三一 ，
日前終於推出，卻是在小一個碼的 SR 系列，
多少有點失望。（其實好多個人氣機械人，當只推出 SR，大家反應都係咁）
不過總好過冇，我也第一時間入手。今天和大家看看。

 

忘記那一期電擊說過，每人的審美觀不同，
同是 MG RX-78 高達，有人覺得「Ver.Ka」好、有人喜歡「一年戰爭版」，
生產玩具，就是預測廣大玩具迷審美標準的「最大公因數」。
.....不管我們是否同意，我想，這也是 Bandai 推出其他玩具的一般原則。


看這只真三一，網上評論毀譽參半，
有說面相太「萌」，不夠惡；有說頭大、有說腰短，
有說關節設計不好。

在我看來，外形算不錯，
的確已乎合 Bandai 那個所謂「最大公因數」原則。
正正經經的，就似 SR 合金的 Gun Buster ，四平八穩，沒甚麼驚喜。

最明顯改動的是那對忽然「飛起來」的大腿，
我想，算是造形師個人對超級機械人的詮釋吧~~





期實在 SR 合金裡也想有造形師加入自己的意見，回響最大的是天元突破，我想這算是  Bandai 在系列裡最偏鋒之作，看推出時候的反應，的確很險。而較成功的，當然是那些戰隊系機械人~~~）

作為超熱血機械人，我會期待真三一的造型可以再大膽一點：
例如頭可以小一點、背肌可以再大一點...

現在嘛，合格有餘，驚喜不足，加上那唯一改動的「大腿」實際效果又不好。
無怪有人說幾年前的山口式更有型有款。



雙腿也還罷了，我覺得最大問題係無端端多了一個腰關節，
破壞了真三一萬能俠一個大特色，又唔好睇。
又，只要你玩過山口真三一，你就知道 SR 呢條腰其實冇乜用。

 

 

 

背部一攝，所有螺絲位都有好好遮蓋好，
天呀，超合金魂都冇咁好招呼！

 

 

SR 真三一份量不少，單是頭頂高已和 SOC GX-45 的鐵甲萬能俠平頭，
就是和新世紀的大塊頭真三一合照，竟也可以「頂頸」。





常有人把 SR 真三一 和 山口式比較，
這裡先 post 兩張山口圖給大家看看 ~~









 SR 真三一是否不及山口式？

當然唔能夠咁講，因為玩過山口o既朋友都知道，
所謂轉輪關節，變化的確係多，但同時都好難玩，
一個關節有三個變項（你聽得明就明啦，唔駛深究），
有需要時甚至要拉出少少去偷位。
擺一個 post ，隨時要搞好耐。
你話你享受我就冇得講，
不過轉輪關節絕對講唔上好扭。

SR 合金，繼承合金傳統，關節直就直橫就橫，
點都易玩好多。

真三一的『拉出式』關節數目，連合金魂都自愧不如。
作為一隻合金，活動能力竟然可以超越山口！



後頸關節，向後面睇當然無聊，不過要擺有型下望 pose 就好實用！






手肘因要遷就上臂那個金色環，竟來個三重關節！




肩膀關節可伸可收，要擺撓手 pose 全靠佢！






我不喜歡腰部的外觀，不過腰部的活動範圍的確驚人。



腳踝也有拉出關節，提供絕佳接地能力！




有老友話關節唔靚，
我覺得對外形真正有少少影響o既係髖關節---

髖部並非拉出關節，要形容的話，
似 HG 模型，
活動仍算方便，惟對外觀有點影響。

 

 

 

 

 

 

 

三一光線係以換件方式表現。

 

 

附件除了替換手形、三一光線外，
有一對翼、並一柄鐮刀........點解唔係斧頭啊！
我頂，三一點可以冇斧頭！！！！

 另一問題是握刀手形手形---握唔實把刀，
刀子常常自轉，幾煩。

 

 

 

面部處理，我倒沒太多意見，這裡拍些照片給大家自行比較。

 

SR 合金

  

新世紀合金

 山口式

 

 

 

 

後記：

略有缺點，瑕不掩瑜，
人氣加品質，絕對是 SR 推薦之作。

唔係話唔可以鬧玩具，不過以呢個價錢呢個質素，

咁都唔滿意就幾難招呼你喇！

 

又後記：

我個人最喜歡的三一，
其實是黑三一和 2004年在 OVA 裡的新三一，
期待 Bandai 推出！